Qaraózek rayonı investiciyalar hám sırtqı sawda bólimi, rayon hákimliginiń málimleme xızmeti hám rayon hákiminiń orınbasarı-investiciyalar hám sırtqı sawda bólimi baslıǵı, A. Baymuratovtıń qatnasıwında baspasóz konferenciyası bolıp ótti.
Konferenciyada ótken 6 ay dawamında investiciya bólimi tárepinen islengen jumıslar boyınsha maǵlıwmatlar berildi.
Búgingi kúnde rayonımızda jámi 7 eksportyor kárxana bolıp, sonnan 4 kárxana vermikulit ónimlerin 3 shet mámleketlerine (Rossiya, Turkiya, Belorus), 2 kárxana boyan tamırın Qubla Koreya hám Qıtay mámleketlerine, 1 kárxana miywe-palız ónimlerin Qazaqstan mámleketine hám 1 kárxana DSP ónimin Tajikstan mámleketine eksport qılıp kelmekte.
2022-jıldıń yanvar-iyul aylarınıń rejesi 1 mln.
645 mıń doll. bolıp, ǝmelde 2 mln. 269 mıń doll. eksport qılınıp, reje 138 % ǵa orınlanıwı támiyinlendi (ótken jılǵa salıstırpǵanda 515 % ǵa ósim boldı).
Konferenciya soraw-juwaplar menen dawam etti.