Rayonnıń social-ekonomikalıq rawajlanıwında xızmet kórsetiw tarawınıń da óz aldına ornı bar.
Mámleketimiz tárepinen jaratılǵan imkaniyatlar, hár tárepleme qollap-quwatlawlar, jańa biznes joybarlarına keń jol ashpaqta. Solay eken, bárshe tarawlar qatarında, sport jóneliside kúnnen-kúnge rawawajlanıp barmaqta.
Qaraózek rayonındaǵı «Berdaq» APJ da bıyılǵı jıldıń iyul ayınan baslap, smetalıq bahası 3. 800.000 (úsh milliard segiz júz mıń) sumlıq zamanagóy jasalma qaplamalı (gazon) futbol maydanshasın qurıw basshılıqqa alınıp, 68 x 105 ólshemli, 530 orınlıq stadionıń qurılıs jumısları «Mangit Ideal qurilish” JShJ kárxanası tárepinen baslandı.

Búgingi kúnde stadion salınatuǵın maydanshanı tegislew, orınların qazıw hám qazılǵan orınlarǵa shebin tósew hám tırnaǵın quyıw jumısları alıp barılmaqta.
Qurılıs kárxanası bul jumıslardı, usı jıldıń oktyabr ayına sıpatlı etip tapsırıwdı rejelestirip otır.
Qaraózek rayonı hákimliginiń málimleme xızmeti