Qaraózek rayonı «Esim», «Ata mákan», «Qaraózek PPJ», «Qutlı mákan» awıl puqaralar jıyınında rayon hákimi U.Utambetov basshılıǵında sektor basshıları hám mámleketlik qáwipsizlik xızmeti Taxtapópir rayonlıq bólimi menen birgelikte aymaq turǵınları, nuranıylar hám jaslar menen ushırasıwı bolıp ɵtti.
Ushırasıw dawamında elimizde húkim súrip turǵan tınıshlıqtıń qádirine jetip, jat illet hám buzǵınshı ideyalardan jaslarımızdı asırap abaylaw kerekligi atap ɵtildi.

Álbette, jaslar tárbiyası búgingi kúnniń áhmiyetli máselesi ekenligi sɵzge shıqqanlar tárepinen atap ɵtilip, olardı tuwrılıqqa baǵdarlawda hár bir máhálledegi nuranıylardıń aqıl-násiyatları hám durıs jol-jobası ayrıqsha orın tutatuǵınlıǵı boyınsha pikirler tıńlandı.
Sonday-aq, sektor basshıları tárepinen rayondı sociallıq-ekonomikalıq jaqtan rawajlandırıw, xalıqtıń bántligin támiyinlew hám turmıs shárayatların jaqsılaw baǵdarında islengen ámeliy jumıslardıń unamlı nátiyjeleri haqqında tolıq maǵlıwmatlar berildi.