Búgin rayondaǵı “Berdaq” APJ aymaǵındaǵı “Ataǵulla ata” fermer xojalıǵında 2023-jıldıń gúzlik biyday egisine tayarlıq kóriw jumıslarına arnalǵan seminar keńes bolıp ótti.
Seminarǵa Ózbekstan Respublikası Awıl xojalıǵı Ministriniń birinshi orınbasarı Sh. Teshaev, rayon hákimi U. Utambetov, sektor baslıqları, fermerler menen awıl xojalıǵına tiyisli taraw basshıları qatnastı. Seminarda shıǵıp sóylewshiler biyday egisin tez kún ishinde sapalı etip egiw, kelgen suwdan únemli paydalanıw búgingi kúnniń áhmiyetli jumıslarınıń biri ekenligine toqtap ótti.

Sonday-aq biyday egisine qatnasıwshı texnikalardı máwsimge tayarlaw jumısları oǵan qatnasıwshı mexanizatorlarǵa qolaylı sharayatlar jaratıp beriw zárúr ekenliklerin atap ótti.
Rayonda 2023-jıldıń biyday zúrááti ushın «AGRO INEVST EXPO KLASTER» J.Sh.J hám de «Qaraózek Ǵálle Klaster» J.Sh.J tárepinen 3800 maydanǵa biyday egiw rejelestirilgen.

Sonnan 230 gektar maydanǵa tuqımlıq, 3570 gektar maydanǵa tovar dań ónimin jetistiriw ushın shartnamalar tolıq dúzilip, awıl xojalıǵı kárxanaları tárepinen biyday egiw ushın jerlerge tayarlıq jumısları baslap jiberildi.
Biyday egiw jumısları ushın jámi 19 dana surim traktorları hámde 7 dana jańa túrdegi dan egiw seyalkaları qatnasadı.
Seminar sońında egiske qatnasıwshı texnikalar bir qatar kózden ótkerildi.