Qaraózek rayonı “Quralpa” awıl puqaralar jıyını ekinshi sektor aymaǵında jaylasqan bolıp, aymaq turǵınlarına ásirese, sociallıq járdemge mútáj insanlarǵa, sektor tárepinen káwenderlik ilajları jıl dawamında shólkemlestirilip kiyatır.
Búgin «Quralpa» APJ na, Qaraqalpaqstan Respublikası prokurorınıń orınbasarı E. Qayıpbergenov kelip, aymaq xalqı menen ushırastı hám olardıń múrájatların qabılladı.
Qabıllaw dawamında, usı aymaqtaǵı shańaraq hám jeke sherikshilik balalar baqshalarınıń baslıqları, Mámbetkarimova Rayxan hám Dosbergenova Dilbarlar baqshanı, azıq-awqatlıq ónimleri menen elede jeterli dárejede támiyinlew boyınsha múrájatların bildirdi hám sol jerdiń ózinde unamlı sheshimin taptı.
Sonday-aq, eki puqara úy aldı qıytaq jerlerin suwǵarıw ushın jer astı kranın qurıp beriw ushın járdem sorap, bulardıńda múrájatlarıda sol orında qanaatlandırıldı.
Qabıllaw sońında, aymaqta shólkemlestirilgen shańaraq hám jeke sherikshilik balalar baqshalarına barıp, jas náwshelerge jaratılǵan sharayatlar úyrenilip, hár túrli oqıw quralları sawǵa etildi.