Búgin Qaraqalpaqstan Respublikası Xalıq bilimlendiriw ministrligi tárepinen, Qaraózek rayonı 1-sanlı ulıwma orta bilim beriw mektebi bazasında “Bilimlendiriw mazmunına itibar” atamasında jańa oqıw jılı aldınan Bozataw, Kegeyli, Shımbay, Taxtakópir hám Qaraózek rayonları ulıwma bilim beriw mektepleriniń oqıw isleri boyınsha direktor orınbasarları qatnasında, Respublikalıq ámeliy seminar bolıp ótti.
Seminarǵa ministrliktiń Bilim sıpatı monitoringi bólimi baslıǵı H. Begdullaev, Qaraózek rayonlıq xalıq bilimlendiriw bólimi baslıǵı A. Qalilaevlar qatnastı.
Seminarda 6 moderator hámde 12 trener tárepinen 6 baǵdarda sekciya májlisleri alıp barılıp, 150 den artıq direktor orınbasarları qatnastı.
Sekciya májilislerinde Milliy reyting, bilimlendiriw sapası joqarı bolmaǵan mektepler, pedagoglar potencialın asırıw, jańa oqıw jılında sabaqlardıń bólistiriliwi, oqıw reje hámde jańa áwlad sabaqlıqları máseleleri kórip shıǵılıp, kún táribindegi máseleler boyınsha aldaǵı wazıypalar belgilenip alındı.

Qaraózek rayonı hákimligi málimleme xızmeti