Ózbekstan «Milliy tiklanish» demokratiyalıq partiyası Qaraqalpaqstan Respublikalıq Keńesi baslaması menen Qaraózek rayonı Mámleketlik xızmetler orayı májilisler zalında belsendi hayal-qızlar arasında ashıq sáwbetlesiw shólkemlestirildi.
Ilajǵa partiyanıń Qaraqalpaqstan Respublikalıq Keńesi hayal-qızlardıń sociallıq-siyasiy belsendiligin asırıw máseleleri boyınsha jetekshi qánigesi G.Djumagulova, Xalıq deputatları rayonlıq Keńesiniń hayal-qızlar hám gender teńligi máseleleri boyınsha turaqlı komissiyasınıń baslıǵı Sh. Bekniyazova, rayonlıq medicina birlespesi neonatolog shıpakeri, «Ózbekstan Respublikasında xızmet kórsetken densawlıqtı saqlaw xızmetkeri» húrmetli ataǵı iyesi Sh. Omarbaeva, shańaraq hám hayal-qızlar bólimi, xalıq bilimlendiriw bólimi, ulıwma bilim beriw mektepleri baslanǵısh hayal-qızlar shólkemi jetekshileri, mákeme, shólkemlerden belsendi hayal-qızlar qatnastı.
Iláj dawamında mámleketimizde hayal-qızlardıń hár-tárepleme belsendiligin, jámiyettegi ornın hám abıroyın asırıw, gender teńligin támiyinlew boyınsha pikir almasıldı.

Partiya belsendileri sanalǵan bir topar hayal-qızlardıń erisken tabıs hám jetiskenlikleri, alıp barıp atırǵan jumıslarındaǵı joqarı nátiyjeleri atap ótilip, partiya sheńberinde hayal-qızlar menen birge islesiw baǵdarında kelisip alındı.

Qaraózek rayonı hákimligi málimleme xızmeti