Búgin, 24-avgust kúni, Qaraózek rayonı hákimligi májilisler zalında «Ustazlar milliy forumı» jalpı májilisi bolıp ótti. Forumdı rayonlıq Xalıq bilimlendiriw bólimi baslıǵı A.Kalilayev ashıp berdi hám basqarıp bardı. Forumǵa rayon hákimi U.Utambetov, Qaraqalpaqstan Respublikası Xalıq bilimlendiriw ministrligi xızmetkeri E.Nurtaev hám rayon sektor basshıları, barlıq mektep direktorları, direktor orınbasarları hámde tájiriybeli pán muǵallimleri qatnastı.
«Ustazlar milliy forumı» sekciya májilisleri 1-sanlı ulıwma orta bilim beriw mektebinde mektep direktorları, direktor orınbasarları hám tájiriybeli pán muǵallimleri qatnasında dawam etip, 9 baǵdardaǵı pán sekciyalarında jańa 2022-2023-oqıw jılında bilimlendiriw tarawındaǵı jańalıqlar menen tanıstı hám alda turǵan wazıypalardı belgilep aldı.
Májilis juwmaǵında jıl dawamında bir qatar jetiskenliklerge erisken bilimlendiriw tarawı pidayıları rayon hákimliginiń, xalıq bilimlendiriw ministrliginiń hám rayonlıq xalıq bilimlendiriw bóliminiń húrmet jarlıqları hámde bahalı sawǵaları menen sıylıqlandı.
