Búgin rayonımızǵa Namangan wálayatınan bir topar delegatciya wákilleri kelip, rayondaǵı islenip atırǵan keń kólemli jumıslar menen tanıstı. Miymanlar dáslep rayon hákimi menen ushırasıp, Namangan wálayatı hákimligi tárepinen rayonda bir qatar qurılıs jumısların islew menen alıs aymaqlardaǵı xalıqqa káwenderlik ilajların shólkemlestiriw joybarların tanıstırıp ótti.

Bunnan soń, Namangan wálayatı hákimligi qáwenderliginde «Qaraózek» APJ aymaǵındaǵı «Qaramoyın» awılınan 80 orınlıqqa mólsherlengen balalar baqshasınıń jańa qurılıs jumısların barıp kórdi.
Miymanlardı awıl xalqı jıllı júzlik penen kútip alıp, olarǵa insanıylıq járdemleri ushın aq pátiyaların berip, óz minnetdarshılıqların bildirdi.
Solay etip, jańa imarattıń dáslepki tırnaǵı qalanıp, qurılıs jumısları baslanıp ketti.

Qaraózek rayonı hákimligi málimleme xızmeti