Tańlawǵa respublikamızdıń 16 rayonlarınan jaslarǵa ustazlıq etip kiyatırǵan nuranıylar qatnastı.
Tańlaw barısında qatnasıwshılar úsh basqısh boyınsha tárbiyası awır, sociallıq qollap-quwatlawǵa mútáj, jumıssız, jámlespegen jaslarǵa kórsetip atırǵan ruwxıy hám basqada járdemleri, islegen jumısları tuwralı maǵlıwmatlar berip ótti.
Tańlaw juwmaǵında rayonımızdaǵı «Ata mákan» mákan puqaralar jıyınınıń turǵını N. Tilewmuratov birinshi orındı iyelep, Tashkent qalasında bolıp ótetuǵın basqıshqa jollama alıp, shólkemlestiriwshiler tárepinen qımbat bahalı sawǵalar menen sıylıqlandı.

Jeńimpazımızdı rayon hákimligi, máhálle hám nuranıylardı qollap-quwatlaw bólimi atınan qutlıqlap, aldaǵı basqıshlarındada jeńimpazlıqtı qoldan bermewine tilekles bolıp qalamız.