Húrmetli Prezidentimiz keyingi jılları awıl xalqınıń jaslarına bir qansha imkaniyatlar jaratıp bermekte.
Ásirese, jaslarımızdıń sport penen turaqlı shuǵıllanıwı ushın hár bir máhállelerden sport maydanshaları qurılıp, paydalanıwǵa berilmekte.
Búgin rayondaǵı ekinshi sektor aymaǵındaǵı «A. Dosnazarov» APJ da ǵárezsizlik bayramı múnásebeti menen jasıl qaplamalı sport maydanshası paydalanıwǵa berildi.
Maydanshanıń ashılıw saltanatına rayon hákimi U. Utambetov, ekinshi sektor baslıǵı, rayon prokurorı N. Djolamanov, awıl jas úlkenleri menen aymaq jasları qatnastı.
Onda shıǵıp sóylewshiler bárshe awıl xalqın Ǵárezsizlik bayramı hám sport maydanshasınıń ashılıwı menen qızǵın qutlıqlap, ǵárezsizliktiń qádir-qımbatı, áhmiyetine toqtap ótti.

Sonday-aq, Prezidentimizdiń jaslarımızǵa qaratıp atırǵan itibarı, awıl jaslarına engizip atırǵan ayrıqsha jeńilliklerin maqtanısh penen tilge aldı.
Usı kúni sektor baslıqları jaslar menen ushırasıp, olardı qıynap atırǵan mashqalaların tıńladı hám keń túrde sáwbetlesti.
Qaraózek rayonı hákimligi málimleme xızmeti.