Jas áwladtı ilimli bilimli kámil insanlar etip tárbiyalawda Húrmetli jurt basshımız tárepinen Prezident mektepleri ashılıp, bul bilimlendiriw orınlarında bilim alıp atırǵan jaslar búgingi kúnde kóplegen jetiskenliklerge erisip shet ellerdegi joqarı oqıw orınlarına kirip bilimlerin dawam ettirmekte.
Prezidentimiz Sh. M. Mirziyoev baslaması menen jáne de Prezident bilimlendiriw mákemeleri agentligi dizimindegi qánigelestirilgen mektepler tarmaǵın keńeyttiriw boyınsha PF-106 sanlı pármanı qabıl etildi.

Bul pármanda 2022-jıl 1-sentyabrge shekem bárshe bilimlendiriw mákemeleri quramında bolǵan bilimlendiriw mákemeleri negizinde 19 qánigelestirilgen mektep-internatları hámde 141 qánigelestirilgen mekteplerdi ashıw hám iske qosıw rejelestirildi.
Usı qánigelestirilgen mektepler qatarında, Qaraózek rayonı orayında Prezident agentligi mákemeleri dizimindegi qánigelestirilgen mektep ashıldı.
Bıyılǵı jılı mektepte bilim alıw ushın párman tiykarında 3 basqıshlı tańlaw ótkerilip, tańlawǵa qatnasıw ushın 710 oqıwshı hújjet tapsırıp, sonnan 240 oqıwshı bilimler sınaǵınan ótip oqıwǵa qabıllandı.

Qánigelestirilgen mektepte házirgi waqıtta anıq pánler jónelisinen 8-klass, tábiiy pánler jónelisinen 4 klass ashılıp, házirgi kúnde mektepte 25 muǵallim óz jumısın basladı.
Búgin usı mekteptiń ashılıw múnásibeti menen 2022-2023-jıldıń jańa oqıw jılı saltanatlı túrde baslanıp ketti.
Onda rayon hákimi U. Utambetov, Nókis Prezident mektebi direktor orınbasarı M. Nasirov, usı mekteptiń iformatika páni muǵállimi P. Mwaniki hám mektep oqıwshılarınıń ata-anaları qatnasıp, mektep oqıwshıların jańa oqıw jılınıń baslanıwı menen qızǵın qutlıqladı.
Bayram keshesi kewilli ótip bárshege ózgeshe zawıq baǵıshladı.

Qaraózek rayonı hákimliginiń málimleme xızmeti