Ózbekstan Xalıq demokratiyalıq partiyası Qaraqalpaqstan Respublikası Keńesi tárepinen Qaraózek rayonında Ózbekstan Respublikası Prezidentiniń 2022-jıl 31-avgust kúngi «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında» ǵı PP-213-sanlı pármanınıń mazmun-mánisin keńnen úgit-násiyatlawǵa baǵıshlaǵan ushırasıwı bolıp ótti.
Ushırasıwda Ózbekstan Xalıq demokratiyalıq partiyası Qaraqalpaqstan Respublikası Keńesi baslıǵı, Qaraqalpaqstan Respublikası Joqarǵı Keńesi partiya frakciyası baslıǵı Xalilla Eshimbetov keń túrde bayanat qıldı hám pármannıń mazmun-mánisin túsindirdi.

Tiykarınan isbilermenlik subektlerine jaratılǵan sharayatlar, xalıqtıń turmıs párawanlıǵın jaqsılawǵa qaratılǵan jeńillikler, alıs aymaqlarǵa jaratılǵan mal-múlk hám jer salıqlarınıń kemeyttiriliwi boyınsha aytıp ótti.
Sonday-aq kem támiyinlengen shańaraqlarǵa bir mártelik materiallıq járdemlerdiń beriliwi, 2022-2023-oqıw jılı ushın Qaraqalpaqstan Respublikasında ulıwma orta, joqarı tálim orınlarına qosımsha qabıl etiw ushın jeńilliklerdiń beriliwi, 2022-jıl 15-sentyabrden baslap Qaraqalpaqstan Respublikası hám Xorezm wálayatlarında jasaytuǵın pensiya hám napaqa alıwshılar, mayıplılıǵı bolǵan puqaralar ushın temir jol hám aviabiletlerdi satıwda 50 payızlıq jeńillik túrlerin tanıstırıp ótti.
Ushırasıw dawamında partiya shólkemleri menen deputatlardıń aldaǵı jumısları menen wazıypaları belgilep alındı.

Qaraózek rayonı hákimliginiń málimleme xızmeti