«Jańa Ózbekstan” turaq-jay massivlerin shólkemlestiriw ushın rayondaǵı «Esim» mákan puqaralar jıyınınan 10,0 ga jer maydanı tańlap alınıp, 2022-2024-jıllar aralıǵında jámi 22 dana 5 qabatlı 642 kvartiralı kóp qabatlı úy-jaylar salınıwı rejelestirilip, búgingi kúnde usı kóp qabatlı turaq jaylarda qurılıs jumısları alıp barılmaqta.

Usı qurılıs jumısları menen tanısıw ushın Qaraqalpaqstan teleradiokompaniyası jurnalistleri, rayon hákimliginiń málimleme xızmeti usı qurılıs orınlarında bolıp, press tur shólkemlestirdi.
Press tur dawamında qatnasıwshılar qurılıs jumısları hám ol jerde islewshilerge jaratılǵan sharayatlar menen tanıstı.
Bul orında turaq  jaylar qurılısı menen bir qatarda 330 orınǵa mólsherlengen mektep qurılısınıń jumıslarıda baslanıp atır.
Maǵlıwmat ushın:
2022-jıl ushın 6 dana 5 qabatlı 162 kvartira
2023-jıl ushın 7 dana 5 qabatlı 210 kvartira
2024-jıl ushın 9 dana 5 qabatlı 270 kvartiraǵa qurılıs jumısları alıp barılıp, rayondaǵı úy-jayǵa mútáj puqaralarǵa tapsırıw rejelestirilgen.

Qaraózek rayonı hákimligi málimleme xızmeti