Rayon hákimliginiń úlken májilisler zalında rayon hákimi, mámleketlik qáwipsizlik xızmeti Taxtakópir rayonı bólimi, rayonlıq máhálle hám nuranıylar bólimi menen birgelikte májilis ótkerildi.

Oǵan awıl hám mákan puqaralar jıyınları baslıqları, máhállelerdegi hayal-qızlar belsendileri, jaslar jetekshileri menen profilaktika inspektorları qatnastı.
Májiliste Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqındaǵı Ózbekstan Respublikası Prezidentiniń 2022-jıl 31-avgust kúngi 213-sanlı pármanınıń mazmun-áhmiyetin keń túrde túsindirip, hár bir aymaqta úgit-násiyat ilajların alıp barıw boyınsha wazıypalardı belgilep berdi.
Sonday-aq, máhállelerdegi puqaralardıń múrájatların dıqqattan shette qaldırmaw, olardıń mashqalaların úyme-úy júrip úyreniw, hár qıylı huqıqbuzarlıqlardıń aldın alıw boyınsha tiyisli taraw basshılarına tapsırmalar berildi.

Qaraózek rayonı hákimliginiń málimleme xızmeti