Ózbekstan Respublikası Prezidenti Sh. M. Mirziyoevtiń 2022-jıldıń 26-avgust kúni Qaraqalpaqstan Respublikasına saparı dawamında hám Qaraqalpaqstan Respublikası Joqarǵı Keńesiniń otız tórtinshi sessiyasında Qaraqalpaqstan Respublikasın sociallıq-ekonomikalıq rawajlandırıw boyınsha belgilengen wazıypaları, Prezident pármanları, qararları hám mámleketlik baǵdarlamalardıń orınlanıwı hámde jıl juwmaǵına shekem ámelge asırılıwı belgilengen wazıypalar boyınsha usı jıldıń 15-20-sentyabr kúnleri xalıq deputatları jergilikli Keńeslerde sektor basshılarınıń esabatların tıńlaw tapsırması belgilengen edi.
Sol tiykarda Qaraózek rayon hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor baslıqları, rayon hákiminiń orınbasarları, ózin-ózi basqarıw uyımları, məkeme, shólkem basshıları menen ǵalaba xabar quralları wákilleri qatnastı.

Sessiya kún tártibinde Qaraózek rayonı 1-sektor baslıǵı, rayon hákimi Utambetov Uzaqbergen Tlewimbetovichtiń aymaqtı kompleksli social-ekonomikalıq rawajlandırıw boyınsha belgilengen Prezident pármanları, qararları hám mámleketlik baǵdarlamalarınıń orınlanıwı hámde jıl juwmaǵına shekem ámelge asırılıwı belgilengen tapsırmalar boyınsha esabatı tıńlandı.
Sessiya sońında deputatlardıń qızıqtırǵan sorawları boyınsha juwaplar alınıp, kún tártibindegi másele boyınsha sheshim qabıl etildi hám aldaǵı rejeler belgilep alındı.

Qaraózek rayonı hákimliginiń málimleme xızmeti