Rayondaǵı kózi ázziler arasında sport jarısı shólkemlestirildi

Ózbekstan kózi ázziler jámiyeti Qaraózek rayonlıq bólimshesi tárepinen jıllıq is rejesi tiykarında, Ózbekstan kózi ázziler jámiyeti dúzilgenliginiń 90 jıllıq yubeleyi, Ózbekstan kózi ázziler jámiyeti Qaraqalpaqstan bólimi dúzilgenligine 85 jıl tolıwı múnásebeti menen rayon aymaǵında esapta turǵan kózi ázzi er adamlar arasında sporttıń “Armrestlin” túrinen jarıs ótkerildi.

Jarıstı ótkeriwdegi tiykarǵımaqset:
Rayon aymaǵında jasawshı kózi ázziler arasında sporttıń “Armrestlin” túri boyınsha shuǵıllanıwshılardıń sanın kóbeytiw hám bul sporttı elede rawajlandırıw, sport sheberligin asırıw, tájiriybe almasıw ushın ámeliy imkaniyatlar jaratıw, kózi ázzi puqaralardıń fizikalıq tárbiyasın qadaǵalaw hám olardı sportqa tartıw, salamat turmıs dárejesin qáliplestiriw, olar arasınan kúshli sportshılardı anıqlaw, olardıń bos waqıtların kewilli ótkeriw hám aldaǵı waqıtlarda Respublikalıq jarıslarǵa tayarlap, xoshametlep, qollap-quwatlawdan ibarat.
Jarıs sońında qatnasıwshılarǵa shólkemlestiriwshiler tárepinen húrmet jarlıqlar menen qımbat bahalı sawǵalar tapsırıldı.
Jarıs rayondaǵı kózzi ázziller jámiyeti hám Ózbekstan xalıq demokratiyalıq partiyası Qaraózek rayonlıq Keńesi tárepinen shólkemlestirildi.

Qaraózek rayonı hákimliginiń málimleme xızmeti