Qaraqalpaqstan Respublikası kóleminde ótkerilgen “Úmit náwsheleri 2022” sport oyınlarına Qaraózek rayonınan sporttıń 11 túri boyınsha rayonımızdan 100 den aslam sportshı jaslar qatnastı.
Sonnan:
VOLEYBOL sport túrinen er hám qız balalar I-orın,
FUTBOL sport túrinen I-orın,
SPORT GIMNASTIKA túrinen er balalar I-orın,
KÓRKEM GIMNASTIKA sport túrinen komandalıq esapta III-orın,
GÚRES sport túrinen komandalıq esapta II-orın,
GANDVOL sport túrinen qızlar komandası III-orın,
ShAXMAT túrinen 1 er bala hám 1 qız bala II-orın,
jámi 70 oqıwshı 1-2-3-sıylı orınlardı jeńip alıwǵa eristi.
Jeńimpazlarımızdı Qaraqalpaqstan Respublikası Joqarǵı Keńesiniń Baslıǵı Amanbay Orınbaev, sport jarıslarındaǵı jeńisi menen qutlıqlap, avtomashinanıń giltin saltanatlı jaǵdayda tapsırdı. 

Usı múnásibet penen rayon hákimi U. Utambetov, sektor basshılarıda jeńimpazlarımızdı qolǵa kirgizgen jetiskenlikleri menen qutlıqlap, olardıń usazları hám ata-analarına minnetdarshılıq bildirdi.Mámleketimizde sportqa degen bunday itibardan rayon xalqı, mektep jámááti hám ata-analardıń quwanıshı sheksiz.
Sportshı jaslarımız keleshekte bunnanda joqarı nátiyjelerge erisiwine tilekleslik bildiremiz.

Qaraózek rayonı hákimliginiń málimleme xızmeti