Qaraózek rayon hákimliginiń májilisler zalında Ózbekstan Respublikası Prezidentiniń 2022-jıl 31-avgust kúngi «Qaraqalpaqstan Respublikasında isbilermenlik, innovacion texnologiyalar hám infrastrukturaların jedel tárizde rawajlandırıw arqalı xalıqtıń abadanlıǵın arttırıwdıń qosımsha ilajları haqqında» ǵı PP 213-sanlı pármanınıń mazmun-mánisin túsindiriwge baylanıslı májilis bolıp ótti.
️Májiliske Ⱪaraqalpaqstan Respublikası Joqarǵı Keńesi baslıǵınıń orınbasarı A. Davletov, Ⱪaraqalpaqstan Respublikası Ekonomikalıq rawajlanıw hám kámbaǵallıqtı qısqartıw Ministriniń birinshi orınbasarı A. Shamuratov, jergilikli Keńes deputatları, rayonlıq sektor baslıqları, rayon hákimi orınbasarları, hákim járdemshileri hám ǵalaba xabar quralları wákilleri qatnastı.
️Májiliste shıǵıp sóylewshiler, pármannıń mazmunı hám jaratılıp atırǵan imkaniyat hám sharayatları boyınsha keńnen túsindirilip, xalıq arasında úgit-násiyat jumısların elede jetilistiriw hám pármannıń hár bir bántiniń orınlanıwı boyınsha isleniwi lazım bolǵan jumıslar belgilenip alındı.

Qaraózek rayonı hákimligi málimleme xızmeti.