BMSh Bas Assambleyasınıń 2007-jıl 18-dekabrdegi “Awıl hayallarınıń awhalın jaqsılaw” haqqındaǵı rezolyuciyasına tiykarlanıp, 15-oktyabr- Xalıqaralıq awıl hayalları kúni dep járiyalandı.
Bul kún biziń elimizde de bayram sıpatında hár jılı belgilenip kiyatır. Awıl xojalıǵında turmıstıń qaysı tarawın alsaq ta hayal-qızlarsız kóz aldımızǵa keltire almaymız.
Usı bayram múnásibeti menen rayon hákimi sektor basshıları paxta jıyın terimine belsendi qatnasıp kiyatırǵan hayal-qızlarımızdı atız basında bayramları menen qutlıqlap, xalqımızdıń milliy baylıǵı bolǵan paxta zúráátine qosıp atırǵan úlesleri ushın minnetdarshılıqların bildirdi.
Ilajda máwsim basınan terimge belsene qatnasıp kiyatırǵan bárshe hayal-qızlarǵa qımbat bahalı sawǵalar tapsırdı. Bayram ilajı yoshlı koncert baǵdarlamaları menen dawam etti.
Bizde óz gezeginde usınday dúnyanıń tiregi, ómirdiń mazmunı, awıldıń kórki bolǵan hayal-qızlarımızǵa bayram múbárek bolsın, áziyz awıl hayalları degimiz keledi!