Ózbekstan Respublikası Prezidentiniń 09.08.2021-jıldaǵı “Jetim balalar hám ata-ana qaramaǵınan ayrılǵan balalardı mámleket tárepinen qollap-quwatlawdıń jańa sistemasın en jaydırıw ilajları haqqında» ǵı 5216-sanlı qararına tiykar, baǵıwshısın joǵaltqan jaslarımızdı sociallıq jaqtan qorǵaw olardı turaq jay menen támiyinlew maqsetinde, 2003-jılı tuwılǵan Alieva Kumisay Amangeldi qızına, Qaraózek rayonındaǵı kóp qabatlı turaq jaylardan barlıq qolaylıqlarǵa iye úsh xanalı turaq jay sawǵa etildi.
Búgin rayon hákimi U. Utambetov tórt sektor basshıları menen birgelikte Kumisay Alievaǵa turaq jayınıń giltin tapsırıp, qızımızǵa jaqsı tileklerin bildirdi hám sharayatları menen tanısıp shıqtı.
Bunnan soń, K.Alieva Prezidentimizdiń jaslarǵa jaratıp atırǵan imkaniyatlarına kewli tolıp, óz minnetdarshılıǵın bildirdi.