Búgin Qaraózek rayonı 16-sanlı Balalar muzika hám kórkem-óner mektebinde Zulfiya atındaǵı mámleketlik sıylıq ushın járiyalanǵan tańlawdıń rayonlıq basqıshı bolıp ótti.
Taӊlawǵa pán, ádebiyat, bilimlendiriw, kórkem-óner, mádeniyat, sport hám jámiyetshilik baǵdarlarında joqarı jetiskenliklerge erisip kiyatırǵan qábiletli qızlar qatnastı.
Joqarıdaǵı jónelisler boyınsha ayrıqsha jetiskenliklerdi qolǵa kirgizip kiyatırǵan on tórt jastan otız jasqa shekemgi qızlar óz-ara bellesti hám tóreshiler tárepinen jeńimpazlar anıqlandı.
Tańlaw juwmaǵında jeńimpazlar qızlarımız, Respublikalıq basqıshqa jollama aldı.