Qaraózek rayonında sociallıq járdemge mútáj, jalǵız baslı mayıplılıǵı bolǵan insanlarǵa járdemler kórsetilip, olar rayon hákimligi tárepinen qáwenderlikke alınǵan.
Birinshi sektor aymaǵındaǵı “Berdaq” APJ aymaǵında jasawshı Tolıbay Genjetaev ekinshi topar mayıbı bolıp, ózgeler járdemine mútáj edi. Onıń shańaraǵı rayon hákimligi tárepinen úyrenilip, jasaytuǵın jayınıń tozıwı jetiwi, onıń mayıplılıǵı esapqa alınıp, usı jıldıń may ayınan baslap tazadan jay salıw ushın bir qatar qáwender shólkemlerdiń baslaması menen qurılıs jumısları basladı.
Házir bolsa onıń jayı zamagóy usılda islenip, 3 xanalı etip qurıp pitkerildi.
Usı múnásebet penen rayon hákimligi, rayonlıq máhálle hám nuranıylardı qollap-quwatlaw bólimi menen awıl jas úlkenleri Tolıbay aǵanıń shańaraǵında bolıp onı qutlıqladı hám qurlısshılar menen qáwenderlerge rayon hákimliginiń húrmet jarlıqları tapsırıldı.
