Qaraózek rayonındaǵı “Qutlı mákan” hám “Ata mákan” MPJ da, hákim járdemshileri, rayon hákimligi málimleme xızmeti, Qaraqalpaqstan teleradiokompaniyası jurnalistleri menen aymaq xalqınıń bántligin támiyinlew, olarǵa jeńilletilgen kreditler alıp beriw baǵdarındaǵı jumısları boyınsha press tur shólkemlestirildi.

Press tur dawamında jurnalistler aymaqtaǵı ónermentler, isbilermenler menen ıssıxanalar shólkemlestirgen puqaralardıń alıp barılıp atırǵan jumıslar menen tanısıp, olar menen keńnen pikirlesip, arnawlı kórsetiw tayarladı.

Maǵlıwmat ushın:

“Ata makan” mákan puqaralar jıyını hákim járdemshisi tárepinen, 9-ay dawamında  83 puqara turaqlı  jumısqa jaylastırılıp, 4 puqaraǵa  subsidiya tiykarında tigiw mashinası hám ıssıxana alıp berilip,  35 puqara tigiwshilik boyınsha  kásipke kayta oqıtılmaqta.

Sonday-aq “Qutlı mákan” MPJ hákim járdemshisi tárepinen kredit alıwdı qálewshi  55  puqaradan arzalar kelip, búgúngi kúnde  jámi 53 puqaraǵa  973,0 mln sumlık kreditler ajıratılǵan bolsa, 59 puqaranıń 1 mlrd 248 mln. swmlıq arzasına usınıs berilip jeńilletilgen kredit ajıratıwǵa erisilgen.