Mektep oqıwshılarınıń bos waqıtların mazmunlı ótkeriw, olardı hár qıylı dógereklerge tartıp óz ónerlerin jetilistiriw ushın rayondaǵı “Bárkamal áwlad” balalar mektebi oqıwshılardıń súyikli ornına aylanǵan.

Búgingi kúnde mektepte  6 baǵdar boyınsha jámi  24-dógerek shólkemlestirilip, bul dógereklerge 854-oqıwshı qamtılǵan.

 Mektepte hár máwsimde, bayramlarda jarıslar shólkemlestirilip oqıwshılardıń bilimi, qol ónerleri sınaqtan ótkeriledi.

27-oktyabr kúni mektep oqıwshıları tárepinen “Altın gúz” ónimleri kórgizbesi shólkemlestirilip, oǵan dógerek basshıları menen aǵzaları qatnastı.

Onda diyxanlarımız tárepinen jazı boyı jetistirgen gúz máwsimindegi ónimleri oqıwshılar tárepinen tayarlanıp, hár bir dógerek aǵzası bul ónimlerdiń insan organizimine paydası, onnan tayarlanatuǵın taǵamlar boyınsha maǵlıwmatlar berdi.

Kórgizbe juwmaǵında I-orındı 13-mektepte shólkemlestirilgen “Sheber qollar” dógeregi, II-orındı “Jas ekolog hám tábiyatshı” dógeregi, III-orındı “Sheber qollar” dógerekleri iyeledi.

Jeńimpazlarǵa mektep jámáátiniń húrmet jarlıqları menen estelik sawǵaları inám etildi.

Qaraózek rayonı hákimliginiń málimleme xızmeti