Terek nállerin otırǵızıw ekologiyamızdıń jaqsılanıwına úmit baylaǵan halda ámelge asırılıwı, egilgen hár bir nálge itibar berip ósiwi de  qadaǵalanıwı kerek degen baslamanı Prezidentimiz ayrıqsha atap ótken edi. Zárúr bolsa oylasıp, keńesken halda qay jerge qanday náldiń tutıp ketiwide esapqa alınıwı kerekligide itibardan shette qalmasa, nátiyjede soǵan jarasa boladı. Usı tiykarda Qaraózek rayonında terek nállerin egiw kompost hám biogumus tayarlaw usıllarına arnalǵan kórgizbeli seminar bolıp ótti.

Seminarǵa, Qaraqalpaqstan Respublikası Joqarǵı Keńesi Baslıǵınıń orınbasarı R. Saparbaev, Bozataw, Kegeyli, Shımbay, Taxtakópir, Qaraózek rayonlarınıń sektor basshıları menen tiyisli taraw basshıları qatnastı. Seminarda respublikamızdan kelgen awıl xojalıǵı qánigeleri tárepinen terek nálleri ushın orın tayarlawda zárúrli bolǵan kompost hám biogumus tayarlaw usılları boyınsha keńnen túsinikler berildi. Usı kúni seminar qatnasıwshıları rayonlıq toǵay xojalıǵınıń bir gektardan aslam jer maydanına miyweli hám dekorativ terek nállerin otırǵızdı.

Qaraózek rayonı hákimliginiń málimleme xızmeti