Aldın xabar bergenimizdey, “Nókis qalası tájiriybesi“ tiykarında Qaraózek raynında jaslardıń mashqala hám usınısları úyrenildi.

Úyreniw dawamında 61 jastıń avtomobil guwalıǵın alıw ushın oqıw qárejetleri hám múddetli áskeriy xızmetin ótew ushın tólemlerin tólep beriw boyınsha múrájatları úyrenilgen edi.

Usı jaslarǵa rayon hákimi U. Utambetov hám Jaslar isleri agentligi Qaraqalpaqstan Respublikalıq basqarması baslıǵı P. Maqsetbaevlardıń qatnasıwında vaucherlar tapsırıldı. Ilajda jaslarımız, olardıń ata-anaları mámleketimiz basshısına jaslarǵa qaratıp atırǵan bunday  ǵamqorlıqlarınan sheksiz minnetdar ekenliklerin bildirip ótti.