«Jasıl mákan» akciyası  sheńberinde rayonlıq  XBB tárepinen mekteplerde nál egiw jumısları boyınsha seminarlar shólkemlestirilip, búgingi seminar «Qaraózek» APJ daǵı 25-sanlı msektepte bolıp ótti. Seminarǵa  awıl puqaralar jıyını usı aymaqtaǵı mektepler, rayonlıq Keńesi deputatları menen   fermerler qatnastı.

Ilajda  «Áhmiyetli 40 kún» dawamında terek nállerin sapalı egiw, kompost hám biogumus tayarlaw usılları boyınsha qánigeler tárepinen másláhátler berildi. Usı kúni seminar qatnasıwshıları mektep átiraplarına miywe hám sayamanlı terek nállerin ekti. Sonday-aq, bul ilajǵa fermer xojalıqlarıda belsene qatnasıp, aymaqta jaylasqan «X. Ernazarov» hám «Esshan  shabandoz» fermer xojalıqları atız baslarına terek nálleri otırǵızıldı. Ilaj qatnasıwshıları “Áhmiyetli 40 kúnlik” gúzgi nál egiw máwsiminde belgilengen wazıypalardıń óz múddetlerinde hám sapalı alıp barılıwı boyınsha óz-ara pikirler alıstı.