Hár bir xalıqtıń, millettiń biybaha baylıǵı ana tili bolıp tabıladı. Millettiń tiykarǵı belgisi-bul óziniń ayrıqsha tiliniń bolıwı. Sebebi til arqalı hár qanday millet yamasa xalıq ózine tán milliy ózgesheligine iye boladı, ekinshi tárepten milliy tili arqalı basqa milletlerden ajıralıp turadı.
Xalqımızdıń áyyemgi qádiriyatlarınan biri bolǵan ana tilimiz haqıyqıy erkin alǵan Mámleketlik til haqqındaǵı nızamnıń qabıl etilgenine 33 jıl toldı.

Usı múnásebet penen rayonda bayram ilajı shólkemlestirilp, oǵan rayon hákiminiń orınbasarları, shólkem basshıları menen mektep muǵallimleri qatnastı. Bayram keshesinde shıǵıp sóylewshiler, jıynalǵanlardı qaraqalpaq tili, onıń rawajlanıw tariyxı, búgini hám keleshegi haqqında bahalı pikirlerin bildirdirip ilaj qatnasıwshıların bayram menen qutlıqladı.
Bunnan soń rayonlıq XBB ne qaraslı bir qatar mektep oqıtıwshılarına rayon həkimligi, rayonlıq XBB niń húrmet jarlıqları menen bayram sawǵaları saltanatlı jaǵdayda tapsırıldı.
Bayram ilajı mektep oqıwshılarınıń tayarlaǵan qosıq taxmaqları hám rayonlıq mədeniyat bóliminiń yoshlı koncert baǵdarlamaları menen dawam etti.

Qaraózek rayonı hákimliginiń málimleme xızmeti