Rayonımızda jol háreketi qáwipsizligin támiyinlew, piyadalar ushın qolaylıq jaratıw maqsetinde kóplegen jollar qayta ońlanıp, jol ótkelleri qurılmaqta.
Atap aytqanda, «Esim» MPJ aymaǵı abadanlastırılıp jol boyların tártipke keltiriw, piyadalar jolları menen avtomobil júretuǵın jollarǵa cement beton avtomobil jolları qurılıp, aymaq xalqına bir qatar qolaylıqlar jaratılmaqta.
Sonday-aq, jol boylarına energiya únemleytuǵın jaqtılandırǵıshlar, bos maydanlarda «jasıl aymaqlar» jaratılıp, piyadalar jollarına qurılıs jumısları alıp barılmaqta.
Jaqın kúnler ishinde kóshelerge velojollar qurıw rejelestirilmekte.
Búgin rayon hákimi usı qurılıs jumıslarınıń barısı menen tanısıw maqsetinde aymaqta bolıp, tiyisli taraw basshıları menen ushırasıp islenip atırǵan jumıslardı kózden ótkerdi hám kemshiliklerdi saplastırıw boyınsha tapsırmalar berdi.

Qaraózek rayonı hákimliginiń málimleme xızmeti