Búgin rayondaǵı Mádeniyat sarayında 8-dekabr Ózbekstan Respublikası Konstituciyasınıń qabıl etilgenliginiń 30 jıllıq bayram saltanatı keń túrde belgilenip ótildi.
Bayram saltanatına rayondaǵı tórt sektor baslıqları , mákeme kárxana basshıları menen ǵalaba xabar quralları wákilleri qatnastı. Bayramda rayon hákimi U. Utambetov hám basqada taraw basshıları shıǵıp sóylep, keyingi bes jıl ishinde Ózbekstan Respublikasındaǵı bolıp atırǵan ózgerislerge toqtap ótti.

Hakıyqatınanda Konstituciyamız tiykarında elimizde milliy nızamshılıq sisteması, mámleketlik uyımlar, puqaralıq jámiyetiniń institutları qáliplesti.
Bulardıń barlıǵı, bárinen burın Bas nızamımızdıń haqıyqıy turmıslıq kúsh kúdretiniń nátiyjesi, jáne bir áhmiyetli másele-Konstituciya hám nızam ústinligi jáne nızamlılıq principleriniń sózsiz támiyinleniwi insan huqıqları menen erkinliklerin qorǵawdıń áhmiyetli kepilligi ekenligin maqtanısh penen tilge aldı.
Bayram keshesi dawamında bir qatar taraw belsendileri Ózbekstan Respublikası Konstituciyasınıń 30 jıllıǵı kókirek nıshanları hám rayon hákimliginiń húrmet jarlıqları menen sıylıqlandı.

Bayram ilajı rayonlıq mádeniyat bólimi hám 16-sanlı balalar muzıka hám kórkem-óner mektebi tárepinen tayarlanǵan yoshlı koncert baǵdarlamaları menen dawam etti.

Qaraózek rayonı hákimliginiń málimleme xızmeti