Búgingidey qıstıń ayazlı kúnlerinde xalqımızdı tábiyiy gaz benen támiyinlew taraw basshılarınıń eń baslı dıqqat itibarında bolıp atır.
Bul baǵdarda xalqımızdı úzliksiz tábiyiy hám suyıltırılǵan gaz benen támiyinlewde, Qaraózek rayonı gaz támiynatı bólimi tárepinen bir qatar jumıslar ámelge asırılmaqta.
Rayonlıq gaz támiynatı bólimi xızmetkerleri búgingidey ayazlı kúnlerde hár bir máhálelerdegi shańaraqlarda bolıp, olardıń tábiyiy gaz boyınsha múrájatların úyrenip, tábiyiy gaz hám iyis gazinen záhárleniwdiń aldın alıw boyınsha túsinik jumısların alıp barmaqta.

Maǵlıwmat ornında:
Búgingi kunde jámi 9 027 jeke xojalıqlar 100% tábiyiy hám suyıltırılǵan gaz benen gazlestirilgen bolıp, sonnan 5 182 jeke xojalıqlar 57,4 % ti tábiyiy gazde, 3 845 jeke xojalıq 42,6 % ti suyıltırılǵan gaz benen támiyinlengen.
Rayon boyınsha jámi hárekette 400,4 km gaz tarmaqları bolıp sonnan 54,2 km joqarı basım, 119,8 km orta basım hámde 226,4 km pás basım gaz tarmaqları arqalı xalıqqa gaz jetkerip beriledi.
Sonday-aq, hárekette jámi 105 dana GRP lar bolıp, sonnan 12 danası joqarı basımda hámde 93 danası orta basımlı hámde 5 dana gaz tarmaqlarınıń shiriwiniń aldın alıwshı elektro-ximiyalıq qorǵawshı (EXZ) úskeneleri islemekte.
Tábiyiy gaz tutınıwshılarına rayondaǵı 1 dana AGRS ler arqalı tábiyiy gaz jetkerip beriledi.