Rayonda “Mehir háreketi” baslanǵalı hár bir sektor aymaǵında qayır saqawatlıq ilajları alıp barılmaqta.
Sektor basshıları hám tiyisli shólkemler tárepinen máhállelerdegi járdemge mútáj shańaraqlar úyrenilip, olarǵa sociallıq járdemler berilip atır.

Búgin rayondaǵı 1 sektor baslaması menen 13 awıl hám mákan puqaralar jıyınlarında jasawshı awır sharayatta jasap atırǵan 100 shańaraqqa qáwenderler tárepinen azıq-awqatlıq ónimleri tarqatıldı.
Ilajǵa qatnasqan rayon hákimi hám nuranıylar bársheni jaqınlasıp qalǵan jańa jıl bayramı menen qutlıqlap, hár bir shańaraqqa mol ırısqı-nesiybe, awızbirshilik tiledi hám aq pátiyaların berdi.
Ilaj sońında jas isbilermen R. Jalelovqa rayon hákimi minnetdarshılıq bildirdi.