Ózbekstan Respublikası Prezidentiniń 2021-jıl 9-avgust kúngi “Jetim balalar hám ata-ana qaramaǵınan ayrılǵan balalardı mámleket tárepinen qollap-quwatlawdıń jańa sistemasın en jaydırıw ilajları haqqında” ǵı PQ-5216 sanlı qararınıń orınlanıwın támiyinlew maqsetinde, «Mehir dápteri» ne kirgizilgen, turaq-jayǵa mútájler sıpatında esapta turǵan, Qaraózekli Erimbetov Jetker Kaljanbaevichke Qaraózek rayonı hákimligi tárepinen Nókis qalasınan bárshe zárúr sharayatlarǵa iye bolǵan bir xanalı turaq jay alıp berildi.
Búgin Qaraózek rayonı hákiminiń orınbasarı A. Jumanazarov qatnasıp, J. Erimbetovqa turaq jayınıń giltin hám hújjetlerin tapsırıp, jaqsı tileklerin bildirdi.
Bunnan soń, jańa turaq-jay iyesi Prezidentimizdiń jaslarǵa kórsetilip atırǵan ǵamqorlıǵı ushın kewli tolıp, bárshege óz minnetdarshılıǵın bildirdi.