Ózbekstan Respublikası Prezidentiniń 2022-jıl 29-iyun kúngi «Máhállelerde sociallıq xızmetlerdi jaqsılaw hám sociallıq qorǵawǵa mútáj shańaraqlarǵa járdem beriw sistemasın jańa basqıshqa kóteriw hám de hayal-qızlardı kásipke úyretiw jumısların jáne de jedellestiriw is-ilájları haqqında» ǵı 300-sanlı qararı qabıl etildi.
Usı qarar tiykarında máhállelerde kompleks qatnas sisteması tiykarında sociallıq xızmetlerdi engiziwdi muwapıqlastırıw boyınsha rayonlık shtab jumıs alıp barmaqta.

Búgin aymaqlıq shtab aǵzaları qatnasında máhállelerdegi hayal-qızlar belsendileri tárepinen puqaralardıń sociallıq mashqalaları boyınsha keltirilgen usınıs hám buyırtpalardıń óz waqtında kórip shıǵılıwı hám sapalı orınlanıwı boyınsha gezektegi májilisi bolıp ótti.
Májiliste usı kúnge shekem máhállelerdegi hayal-qızlar belsendileri tárepinen úyme-úy júriw nátiyjesinde, napaqa tayınlaw, materiallıq járdem kórsetiw, bántlik máselesi, shańaraqlıq mashqala, kásip-ónerge oqıtıw, reabilitaciya zatları menen támiyinlew, úy-jayın ońlawǵa kómeklesiw, huqıqıy hám psixologiyalıq járdem kórsetiw hám basqada máseleler boyınsha 1283 mashqala anıqlanıp, anıqlanǵan mashqalalar shtab aǵzaları tárepinen úyrenilip, bul boyınsha nızam tiykarında óz sheshimlerin tawıp atırǵanlıǵı atap ótildi.