Juwmaqlanıp atırǵan 2022-jıl «Insan qádirin ulıǵlaw hám belsendi máhálle jılı» Qaraózek rayonı ushında rawajlanıwlarǵa bay jıl boldı.
Rayonnıń barlıq tarmaqlarında keń kólemli reformalar ámelge asırılıp, kútilgenindey nátiyjelerge erisildi. Sonday-aq rayonnıń sociallıq-ekonomikalıq jaqtan rawajlanıwı, qurılıs arxitektura, awıl xojalıǵı, ilim-bilimlendiriw hám xalıqtıӊ den-sawlıǵın saqlaw, mádeniyat hám sport tarawlarındaǵı jumıslar ádewir alǵa ilgeriledi.
Atap aytatuǵın bolsaq, Ózbekstan Respublikası Prezidentiniń 2021-jıl 9-dekabr kúngi «Jańa Ózbekstan massivlerin qurıw hám aymaqlardıń sociallıq-ekonomikalıq rawajlanıwın támiyinlew haqqında» ǵı pármanına muwapıq, rayonımızda «Jańa Ózbekstan» massivin payda etiw boyınsha, 2022-2024-jıllar aralıǵında jámi 22 dana 5 qabatlı 642 kvartiralı úy-jaylar salınıwı rejelestirilgen bolsa, sonnan 2022-jıl ushın 6 dana 5 qabatlı 162 kvartiranıń qurılıs jumısları alıp barılmaqta.

Sonday-aq, Ózbekstan Respublikası Prezidentiniń 2022-jıl 18-may kúngi “Cement-beton qaplamalı avtomobil jolları tarmaǵın keńeyttiriw
is-ilajları haqqında” ǵı PQ-249-sanlı qararına tiykar, rayon aymaǵında 2022-jılı 6,1 km “Cement-beton” qaplamasın islew jumısları belgilengen bolsa, “Abat awıl” baǵdarlaması tiykarında “Esim”, “Ǵárezsizlik guzarı” hám “Qutlı mákan” MPJ jıyınlarındaǵı ishki kóshelerge “Cement-beton” hám qara qaplamalı asfalt jollar islenip, túngi jaqtılandırıw jumısları alıp barıldı.
Kem támiynlengen sociallıq járdemge hám turaq jayǵa mútáj shańaraqlarǵa, biypul 21 jay salıp berilip, bul puqaralarımızdı razı etiw ushın qayırqomlıq ilajları shólkemlestirildi.
Juwmaqlap aytqanda, Qaraózekshiler ótip baratırǵan jıldı miynette mol tabıslar menen juwmaqlaǵan bolsa, kelesi 2023-“Insanǵa itibar hám sapalı bilimlendiriw” jılın ózgeshe ruwxta kútip alıw ushın qızǵın tayarlıqlar kórmekte.

Qaraózek rayonı hákimligi málimleme xızmeti.