Búgin rayonda tiykarǵı bayram seyilleri Ǵárezsizlik maydanına úlken etip ornatılǵan jańa jıl shırsha átirapında ótkerildi.
Bul orınǵa tań azannan kóplep jas óspirimler, olardıń ata-anaları menen ustazları kelip bayram seyiline qatnaspaqta.
Bayram keshesinde rayon xalqın hám qatnasıwshılardı rayon hákimi hám basqalar jańa jıl bayramı menen qızǵın qutlıqlap, ótip baratırǵan jıldaǵı rayon jetiskenliklerine ayrıqsha toqtap ótti hám úlkemizge kirip kiyatırǵan jıldanda úmitleri mol ekenliklerin bildirdi.

Bunnan soń, jańa jıl bayramına arnalǵan koncert baǵdarlamaları, jańa jıl házilleri jas talantlılar tárepinen atqarıldı.
Sonday-aq usı kúni Prezidentimiz tárepinen hár jılı balalarımızǵa inam etiletuǵın Prezident sawǵaları saltanatlı jaǵdayda tapsırıldı.
Bul sawǵalar kóplegen balalarımızdı quwanıshqa bólep, bayram keshesi hár qıylı bayram zawıqları menen dawam etti.

Qaraózek rayonı hákimliginiń málimleme xızmeti