Bayram qarsańında xalqımızdı sıpatlı arzan azıq-awqat ónimleri menen támiyinlew, awıl xojalıǵı ónimlerin xalqımızǵa arzan bahalarda jetkerip beriw maqsetinde Qaraózek rayonında awıl xojalıǵı ónimleri yarmarkası jumıs basladı.
Jańa jıl sawda yarmarkasında kúndelikli zárúr azıq-awqat ónimleri hám bayram sawǵaları xalqımızǵa maqul bahalarda jetkerip berilmekte.

Rayondaǵı ekinshi sektor baslıǵı qáwenderliginde, «Diyxan bazarı» nda gósh, gúrish, balıq, máyek hám basqada bayram dásturxanı ushın kerekli ónimler arzanlastırılǵan bahada alıp kelinip, rayon xalqına satılmaqta.
Bul sawda yarmarkası alıs awıllıq jerlerdegi «Qoybaq», «A. Dosnazarov», «Quralpa» hám «Qaraózek» APJ nada jetkerilip, aymaq xalqın arzan ónimler menen támiyinlep atır.
Siz ázizlerdi usı shólkemlestirilip atırǵan jańa jıl yarmarkasına shaqırıp qalamız

Qaraózek rayonı hákimliginiń málimleme xızmeti