Ózbekstan Respublikası Bas prokuraturası basqarma baslıǵı M. Abduxakimov Qaraózek rayonında bolıp, rayonnıń ekonomikalıq tarmaqları, sociallıq obektleri hám aymaqlarda jasawshı xalıqtıń qıs máwsiminde ushırasatuǵın turmıslıq qıyınshılıqlardan shıǵısıw hám azıq-awqat qáwipsizligin támiyinlew, bazarlarda bahalardıń tiykarsız asıp ketiwiniń aldın alıw jumısları menen tanıstı.

Úyreniw dawamında «Diyxan bazarı» ndaǵı sawda yarmarkasında azıq-awqat ónimleriniń bahaları olardıń alıp keliniwi hám arzanlastırılǵan bahalarda satılıwı, aymaq xalqınıń gaz, elektr energiyası hám ishimlik suwǵa bolǵan mashqalaları úyrenip shıǵıldı.
Usı kúni rayondaǵı «A. Dosnazarov» APJ turǵınları menende ushırasıp, olardıń jasaw sharayatları úyrenilip, aymaqtaǵı 23 xojalıqtı támiyinlewshi jańadan qurılǵan transformator hám usı jerdegi xalıqtı tábiyiy gaz tarmaǵına jalǵap beriw boyınsha islenip atırǵan jumıslardı kózden ótkerdi hám xalıqtıń gaz tarmaǵına jalǵap beriw boyınsha mashqalaların kórip shıǵıp, tez kún ishinde sheship beriw ilajların kóretuǵınlıǵın bildirip ótti.
Sonday-aq, aymaqtaǵı sociallıq járdemge mútáj shańaraqlardıń hal jaǵdaylarınan xabar alınıp, olarǵa azıq-awqatlıq ónimleri jetkerip berildi.
Úyreniw dawamında elektr energiyası, tábiyiy gaz mashqalaları bar aymaqlardaǵı úzilislerdi óz waqtında saplastırıw boyınsha tiyisli taraw basshılarına tapsırmalar berildi.

Qaraózek rayonı hákimliginiń málimleme xızmeti