Ozbekstan Respublikası Oliy Majlisi Nızamshılıq palatası deputatı B. Aldamuratov Qaraózek rayonınıń social-ekonomikalıq rawajlandırıw, qurılıs jumısları barısı menen tanıstı.
Úyreniw dawamında, xalıq deputatları jergilikli keńesi deputatları, máhálle puqaralar jıyınları wákilleri qatnasında «Ǵárezsizlik guzarı» MPJ aymaǵındaǵı isbilermenlik subekti «Abbas stroy» JShJ tárepinen isbilermen A. Tanatarov basshılıǵında jaslar miynet guzarı hám jasıl qaplamalı sport maydanshası hám “BIYBIAYSHA DENTAL” JShJ tárepinen stomatologiya xızmeti jumısları menen tanısıp, isbilermenler menen sáwbetlesti hám olardıń mashqalaların tıńlap iskerligin keńeytiw boyınsha óz usınısların bildirdi.

Jáne de deputat hǝm jergilikli keńes wákilleri «Mádeniyat» APJ hákim járdemshisi Z. Jaqsımova qatnasında hayal-qızlar hám jaslar arasında isbilermenlikti rawajlandırıw barısı, sonday-aq iri islep shıǵarıw kárxanası xızmetleri, jaratılǵan sharayatlardı kózden ótkerip, aymaq máhálle puqaralar jıyını, shańaraqlıq poliklinikada juwapker wákiller menen pikir alıstı.

Qaraózek rayonı hákimligi málimleme xızmeti.