Búgin rayon orayındaǵı «Mádeniyat sarayı» nda Ózbekstan Respublikası Qurallı kúshleri dúzilgenliginiń 31 jıllıǵı hám Watan qorǵawshılar kúni keń túrde belgilenip ótildi.
Oǵan rayondaǵı tórt sektor basshıları, rayonlıq Qorǵanıw bólimi hám huqıq qorǵaw uyımları menen mákeme basshıları qatnastı.

Onda rayon hákimi U. Utambetov hám basqalar shıǵıp sóylep, elimizde milliy armiyamızǵa jaratılǵan múmkinshilikler ondaǵı xızmet etip atırǵan áskerlerge berilip atırǵan itibar hám ózgerisler, jaslarımızǵa jaratılıp atırǵan imkaniyatlar menen jeńilliklerge toqtap ótti.
Ilaj sońında, bir topar huqıq qorǵaw uyımları xızmetkerleri menen mekteplerdegi shaqırıqqa shekemgi baslawısh tayarlıq páni muǵállimlerine rayon hákimliginiń húrmet jarlıqları hám estelik sawǵaları tapsırıldı. Bayram ilajı yoshlı koncert baǵdarlamaları menen dawam etti.
Sonday-aq usı kúni rayon hákimi «A. Dosnazarov» APJ daǵı ekinshi jer júzlik urıs qatnasıwshısı Genjemurat aǵa Allaniyazovtıń shańaraǵınan xabar alıp, bayram sawǵaların tapsırdı.

Qaraózek rayonı hákimliginiń málimleme xızmeti