Qabıllawǵa rayon hákimi U.Utambetov aymaq turǵınları menen mákeme basshıları qatnastı.
Qabıllawda usı aymaq turǵını Toyliev Amangeldi tamarqa jerlerin suwǵarıw ushın “Esim” kanalı boyına elektr tarmaǵın tartıp beriwde járdem sorap múrajat etip, bul múrájatı elektr tarmaqları kárxanası tárepinen házirgi kúnde awısıq elektr baǵanaları bolmaǵanlıqtan, 2023-jıldıń 1-may kúnine shekem islep beriletuǵınlıǵı túsindirildi.
Sonday-aq, Jalalov Qutlımurat ózi jasap turǵan kóshesine túngi jaqtılandırıwshı shıraqlar ornatıp beriw hám balalardıń oqıwǵa qatnawı ushın kollektorǵa ótkel salıp beriw máselesinde múrájat etti, bul múrájatqa abadanlastırıw basqarması tárepinen túngi jaqtılandırıwshı shıraqlar aldaǵı waqıtta mámleketlik dástúrge kiritip islenip beriletuǵınlıǵı múrájat iyesine aytıp túsindirildi hám kollektorǵa ótkel salıp beriw haqqındaǵı múrájatı qadaǵalawga alındı.

Qabıllawda Mátniyazov Qonısbay hám basqada puqaralardıń múrájatları tıńlanıp kófshiligi usı orında sheshilgen bolsa, waqıt talap etetuǵın múrájatlar boyınsha tiyisli taraw basshılarına tapsırmalar berildi. Berilgen tapsırmalardıń orınlanıwın qadaǵalaw hákim orınbasarları menen tiyisli taraw basshılarına júkletildi.

Qaraózek rayonı hákimligi málimleme xızmeti