Qaraózek rayon hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor basshıları, ózin-ózi basqarıw uyımları, mákeme, shólkem basshıları menen ǵalaba xabar quralları wákilleri qatnastı.
Sessiya kún tártibinde rayon prokurorı, ishki isler bólimi, májburiy orınlaw byurosı rayonlıq bólimi hám Ɵzbekstan Respublikası Prezidentiniń Qaraózek rayonındaǵı xalıq qabıllawxanası tárepinen 2022-jıl dawamında ámelge asırılǵan jumısları boyınsha málimlemeleri kórip shıǵıldı.
Bunnan soń Qaraózek rayonı mákan, posyolka hám awıl puqaralar jıyınları kesiminde yuridikalıq hám fizikalıq táreplerge awıl xojalıǵına mólsherlenbegen jerler ushın birden bir muǵdarlarda belgilengen bazalıq salıq stavkalarına kiritilip atırǵan kemeyttiriwshi hám arttırıwshı koefficientlerdi qollanıw boyınsha rayonlıq mámleketlik salıq inspekciyasınıń usınısı hám rayon aymaǵındaǵı awıl hámde máhálle puqaralar jıyınlarınıń anıq shegarasın belgilew boyınsha máhálle hám nuranıylardı qollap-quwatlaw bóliminiń usınısları tıń lanıp, sheshimler qabıl etildi.

Sonday-aq sessiya kún tártibindegi basqada máseleler boyınsha sheshimler qabıl etilip, aldaǵı rejeler belgilep alındı.

Qaraózek rayonı hákimligi málimleme xızmeti