Qaraózek rayonı «Ata mákan» MPJ jıyını aymaǵındaǵı Jaslar orayı imaratında 3-sektordıń kóshpeli qabıllawı bolip ótti.
Kóshpeli qabıllawǵa aymaqtaǵı belsendi nuranıylar, kóshe biyleri, jaslar hámde rayon orayındaǵı bir qatar mákeme kárxana basshıları qatnastı.
Qabıllawda bir qatar puqaralardıń múrájatları tıńlandı. Onda «Ata makan» MPJ da jasawshı puqara Maxamatdinov Baxtiyardıń diyxan bazar janındaǵı «Ajiniyaz» kóshesindegi avtotransport quralların tártiplestiriw yaǵnıy joldın bir tárepine toqtaw qadaǵan jol belgisin ornatıp beriw, puqara Mustapaeva Mayramgúl úy aldındaǵı elektr baǵanasın basqa orınǵa ózgertip beriwdi, Serjanova Nazira emlewxanada emleniwi ushın order alıp beriwde ámeliy járdem sorap bildirgen múrajatları qadaǵalawga alınıp, tiyisli tártipte úyrenip shıǵıw ushın mákeme shólkemlerge kórsetpeler berildi hám ayırım múrájatlar sol orında unamlı óz sheshimin taptı.
Sonday-aq, aymaqtan balalar maydanshasın kurıp beriw, gózzallıq salonı úskenelerin subsidiya tiykarında alıwda ámeliy járdem soraǵan puqaralarǵa, huquqıy túsinik jumısları alıp barıldı.

Qaraózek rayonı hákimliginiń málimleme xızmeti