Ózbekstan Respublikası Prezidentiniń 2022-jıl 31-avgust kúngi «Qaraqalpaqstan Respublikasında isbilermenlik, innovacion texnologiyalar hám infrastrukturaların jedel tárizde rawajlandırıw arqalı xalıqtıń abadanlıǵın arttırıwdıń qosımsha ilajları haqqında» ǵı PP-213-sanlı pármanı tiykarında respublikamız aymaǵında xalıqtıń sociallıq jaǵdayın jaqsılaw, isbilermenlik subektleriniń jumısların jetilistiriwde imkaniyat hám jeńillikler belgilendi.

Pármannıń mazmun-mánisin xalıq arasında keń túrde túsindiriw maqsetinde úgit-násiyat jumısların alıp barıw hár bir bántiniń óz waqtında orınlanıwın támiyinlew boyınsha, Xalıq deputatları rayonlıq Keńesiniń jergilikli byudjet, ekonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiyası hám rayon hákimliginiń málimleme xızmeti tárepinen baspa sóz konferenciyası bolıp ótti.
Konferenciyaǵa jergilikli keńes deputatları, rayonlıq máhálle hám nuranıylardı qollap-quwatlaw bólimi, mákeme, shólkemlerden wákiller hám jaslar jetekshileri qatnastı.
Konferenciyada pármanda ámelge asırılıwı belgilengen wazıypalar boyınsha rayonlıq mámleketlik salıq inspekciyası hám xalıq deputatları Keńesi sekretariatı tárepinen maǵlıwmatlar berilip, qatnasıwshılardıń usınıs, pikirleri tıńlandı hám xalıq arasında úgit-násiyat jumısların alıp barıw boyınsha wazıypalar belgilendi.

Qaraózek rayonı hákimliginiń málimleme xızmeti