Házirgidey hawa rayınıń keskin suwıq jaǵdayında puqaralardıń azıq-awqatlıq ónimlerge bolǵan talabı artadı.
Sonlıqtanda, xalqımızdı sapalı arzan azıq-awqat ónimleri menen támiyinlew ushın Qaraózek rayonı hákimligi, prokuratura, ishki isler bólimi, departament baslıqları tárepinen rayondaǵı “Diyxan bazarı” nda shólkemlestirilgen azıq-awqat yarmarkası jumısları úyrenildi.
Úyreniw dawamında taraw basshıları yarmarkadaǵı ónimlerdiń jeterli ekenligin kóden ótkerdi hám bahaları menen tanısıp shıqtı.
Gúrish 5700 sum, piyaz 4500 sum, kartoshka 4000 sumnan hám basqada ónimlerdiń xalıqqa arzan bahalarda satılıp atırǵanlıǵı anıqlandı.
Bul baǵdarda ayırım puqaralardıń alıp satarlıqqa jol qoymawı, bunday jaǵdaylar júz berse tiyisli tártipte juwapkershilikke tartılıwı boyınsha taraw basshılarına kórsetpeler berildi.
Sonday-aq xalıq arasında tártip intizamlıqtı saqlaw, aldaǵı waqıtlardada azıq-awqat ónimleriniń jeterli dárejede ekenligi túsindirip ótildi.
Qaraózek rayonı hákimliginiń málimleme xızmeti