Búgin rayondaǵı 13 máhálledegi hákim járdemshileri, isbilermenler menen máhálle belsendileriniń qatnasıwında ushırasıw bolıp ótti.
Usharasıwda «Ata mákan», «Esim», «Qutlı mákan», «Ǵárezsizlik guzarı» mákan puqaralar jıyınları hám «Qaraózek» posyolka puqaralar jıyını hákim járdemshileriniń 2022-jıl dawamında aymaqta isbilermenlikti rawajlandırıw, xalıq bántligin támiyinlew hám kámbaǵallıqtı qısqartıw máselesi boyınsha ámelge asırǵan jumısları boyınsha aymaq turǵınlarına esabatları tıńlandı.

Esabat dawamında hár bir hákim járdemshileri aymaqlarındaǵı puqaralarǵa subsidiya ajıratıw, jeńilletilgen kreditler alıp beriw, qayta kásipke tayarlaw hám isbilermenlik subektlerin jańadan shólkemlestiriw boyınsha islengen jumısları haqqında esabatlar berdi.
Sonday-aq, 2023-jıl dawamında isleniwi tiyis bolǵan aldaǵı rejelerde belgilep alındı.
Bunnan soń, aymaq turǵınları menen isbilermenlerdiń usınısları hám pikirleri tıńlandı.
Qaraózek rayonı hákimliginiń málimleme xızmeti