Qaraqalpaqstan Respublikası ϴsimlikler karantini hám qorǵaw agentligi tárepinen citrus hám pomidor eginleriniń qáwipli zıyankesleri bolǵan “Citrus aq qanatı”, “Citrus inli kúyesi”, “Pomidor kúyesi” zıyankesleri hámde “Pomidordıń qońır reńli búrisiw virusı” n anıqlaw, qadaǵalaw hám olarǵa qarsı ǵalabalıq gúresiw ilajların shólkemlestiriw maqsetinde usı jıldıń 26-yanvar sánesinen 20-fevral aralıǵına shekem “Áhmiyetli on bes kúnlik” akciyası járiyalandı.

Agentliktiń Qaraózek rayonı bólimi tárepinen “Áhmiyetli on bes kúnlik” sheńberinde rayondaǵı “Qalim Bekpolat” FX na qaraslı ıssıxanada “Karantin xızmeti-diyqanǵa kómekshi” súreni astında karantin qadaǵalaw ilajların alıp bardı.
Bundaǵı tiykarǵı maqset, karantin xızmeti diyxanlarǵa, isbilermenlerge kómekshi bolıp, ósimlik zıyankesleri payda bolıwınıń, eginniń zıyanlanıwınıń aldın alıw bolıp tabıladı.
Bul xızmetler bolsa ishki hám sırtqı bazarlarımızǵa sapalı fitosanitar taza ónimler shıǵarıwına óz járdemin beredi.
Maǵlıwmat ornında atap ótsek, búgingi kúnde gidroponikanıń jer maydanı bir gektardı qurap, bul jerde 20 mıńnan aslam túp pomidor jetistirilip, ishki hám sırtqı bazarımızǵa satılmaqta.
Bul demek birinshi nəwbette awıl puqaraların hám jaslardıń jumıs penen bənt bolıwın támiyinlese, ekinshi tárepinen bazarımızdıń arzan bolıwına tiykar jaratıladı.

Qaraózek rayonı hákimligi málimleme xızmeti.