Rayonda kelesi jıldıń báhargi egis jumıslarına tayarlıq kóriw egis mapazına qatnasatuǵın texnikalardı ońlaw jumısları awıl xojalıǵı xızmeterleri, fermer xojalıqları tárepinen sapalı alıp barılmaqta.
Bul baǵdarda hár bir APJ ǵı egiske qatnasatuǵın texnikalar oraylıq ustaxanaǵa alıp kelinip, olarǵa ońlaw jumısları islenip atır.
Rayon hákimi U. Utambetov usı jumıslardıń barısı menen tanısıp, remontshılarǵa jaratılǵan sharayatlar hám islenip atırǵan jumıslardıń barısın kózden ótkerdi.
Úyreniw barısında mexanizatorlardı qıynap atırǵan mashqalalar, awısıq bóleklerdiń jetkeriliwi, azıq-awxat penen támiyinlew máselelerin kórip shıǵıp, tiyisli taraw basshılarına tapsırmalar beridi hám ońlaw jumısların tez hám sapalı juwmaqlawdı eskertti.
