Rayondaǵı «Esim» MPJ da rayon hákimi hám basqada taraw wákilleri qatnasında puqaralardıń múrájatların qabıllawı bolıp ótti.
Qabıllaw dawamında puqaralardan tórt másele boyınsha múrájatlar kelip tústi. Olardıń tiykarǵı múrájatları, mektep oqıwshıların kásip-ónerge úyretiw dógerekler shólkemlestiriw, úy aldı qıytaq jerlerin suwǵarıw ushın jap salmaların qazıp beriw, ayırım kóshelerge túngi jaqtılandırıw shıraqların jaǵıp beriw, mekteplerde shet tillerin úyretetuǵın oqıw kursların shólkemlestirip beriw boyınsha múrájatlar bildirdi..
Bildirilgen múrájatlardıń ayırımları ornında óziniń sheshimin taptı hám úyreniw talap etiletuǵın máseleler qadaǵalawǵa alındı.
Sonday-aq usı kúni aymaqtaǵı hákim járdemshisi menen jaslar jetekshileriniń esabatları tıńlanıp, jumıssız puqaralardıń bántligin támiyinlew baǵdarındaǵı islep atırǵan jumıslarına baha berildi hám aldaǵı islenetuǵın jumısları belgilep berildi.

Qaraózek rayonı hákimligi málimleme xızmeti.